Nipsey Hussle kaphlumtu Eric Holder

Los Angeles Police te chuan rapper Nipsey Hussle kap­hlumtu kha Eric Holder a nih thu leh, man tuma an zawn mek thu an tarlang. 

Kum 33 mi American rapper Nipsey Hussle hi Pathianni khan Los Angeles-a a dawr kawtah kahhlum a ni a, pawihkhawitute hi zawn nghal an ni. Police te chuan pawikhawihtute hi mi pathum an nih thu an puang tawh a, an zinga pakhat Eric Holder hi mawhphurtu ber a nih thu an sawi. Kum 29 mi Eric Holder hi zawn mek a ni a, a awmna chin hria chuan police te hriat tir turin an ngen nghal bawk. 

Nipsey Hussle uitu mi tam tak chu Thawhṭan zan khan a thihna tual zawl, Marathon Clothing kawtah an pungkhawm a, zan dar 9:00 velah inchilbuaina a chhuak leh bawk. Police te chuan inkahna a thleng leh tih report an dawn thu sawiin, finfiah a nih hnuah erawh silai puak a awm lo tih an tarlang. Mahse he thil thleng avang hian mi eng emaw zatin hliam an tuar a, an zinga mi ṭhenkhat phei chu an dinhmun a ṭha lo hle a ni. 

Nipsey Hussle hi Pathianni khan Los Angeles-a a dawr kawt­ah a awm lai chu mi pathumin an kah rawn a, hospital panpui a nih hnuah a chatthla zui a ni.