Mystical Mizoram Ṭhazual Lengzem-ah Rebecca Lallawmsangi 'Dam Dam' pakhatna a ni

Mystical Mizoram Ṭhazual Lengzem chart-ah Rebecca Lallawmsangi hla hit 'Dam Dam' chu pakatna a ni. Keimah Senes, Tlangval Tlumtea ft. Lil Me 'Mizo nula' chu pahnihna a ni a, Rempuii Ralte 'Tawnmang ram' chu pathumna a ni ve bawk.
 

'Dam Dam' ngaihthlak a hahdam
Mizo hla music video thlirtu maktaduai nei rang ber record hial pawh lo siam tawhtu Rebecca Lallawmsangi hian 'Dam Dam' music video hi nikum kum chawhnu lam tawhah khan a tichhuak a, November thla tirah khan YouTube-ah a dah chhuah bawk a, a tla na nghal hle.

Rei lote chhungin YouTube-ah thlirtu maktaduai a nei der a, tunah phei chuan thlirtu mtd 2.27 chuang a nei der tawh. Rebecca-i hla ngaihthlak hahdam tak leh ṭhalai rilrem zawng tak mai hi nikum kum tawp lamah phei kha chuan a hla 'Kan Khua' nen khan kawi tinah an play emaw tih mai tur a ni a, tunah Ṭhazuala pakhatna a ni pawh hi tumahin mak an tih a rinawm loh.

Keimah Senes, Tlangval Tlumtea ft. Lil Me
'Saw nu saw a hmel a ṭha' hitmaker Keimah Senes leh Tlangval Tlumtea-te'n Lil Me thawhpuia an hla tihchhuah 'Mizo Nula' chu pahnihna a ni a, pakhatna ni mai turin an dinhmun a ṭha sawt hle. YouTube-ah thla li chhung vel lekin thlirtu mtd 1.5 chuang nei thei a ni a, Mizote'n an zai kan ngaina tih a hriat a, dinhmun ṭha zawkah an la din ngei pawh a rinawm.

Top 5-ah chuan...
Rempuii Ralte 'Tawnmang ram' chu pathumnaah a rawn invawrh a, David Zawma    'Lungdam Nan' chu palina niin Ronald Zothantluanga chuan 'I zun ngaih hi' hmangin top 5 a rawn khar thung.

Top 10-ah chuan Govt. J Buana College music video te, Kimkima te leh Apuii Chhangte te pawh an lang a ni.