Shawn Mendes in an rawk A car an ru bo

Shawn Mendes leh a bialnu Camila Cabello-te chenna, Los Angeles-a Shawn Mendes-a in chu misualin an rawk a, a car an ruksak bawk.

Kar hmasa Thawh-ṭanni, March 22-a thil thleng daih tawh kha niin report-ah chuan tarlan a ni a, misualte hian Mendes-a in darthlalang chu tikehin rawk an tum a, mahse chutih lai chuan 'Senorita' singer-te pahnih chu inah an lo awm avangin misualte chu an tlanchhe lehnghal a ni. Kut ruak erawh chuan an tlanchhe lo a, Mendes-a  Mercedes-Benz G-Wagon chahbi chu la hmanin a SUV (Sports Utility Vehicle) hmangin an tlanchhe zui bawk.

He thil thleng hi police hnenah an hriattir nghal a, mahse nimin thleng kha chuan tumah an la man lo niin an tarlang.