ASYLUM single hmasa ber Thi Vek Ru

Lawngtlai band ṭha, Deathcore lam play ṭhin, Kolodyne festival leh show hrang hrang lo inlan tawh ṭhin Asylum chuan an hla hmasa ber 'Thi Vek Ru' an tichhuak dawn.

Lai ram rock band hian an hla thar hi lyric video-in an tichhuak dawn a, cover songs play-a hmun hrang hranga an inlan hnuah tunah chuan an original hla an rawn tichhuak ve dawn ta a ni. 

'Thi Vek Ru' hi TV-ah tihchhuah a nih dawn bakah an YouTube channel (ASYLUM)-ah an dah dawn bawk a, rock music ngainatute tan chuan ngaihven chi a ni ang.

Asylum band hi kum 2018-a an vocalist Bobie-a din niin, an hla hmasa ber tur hi rap rock, post punk alternative rock fusion lam hawi a ni dawn niin an sawi.

"A der kan duh lo a tak kan duh
 Milem Kan duh lo mi ṭha kan duh
Intifel kan mamawh lo mi ṭha kan duh
Lem chang reng reng a hringnun hmang ho."
- Ṭhakima SK