Saina Nehwal lema chang tur Parineeti Chopra

Indian badminton player chhuanvawr Saina Nehwal chu a chanchin tarlanna film siam a ni dawn a, buaipui mek a ni. He film-ah hian Parineeti Chopra chu Saina lemah hian a chang dawn a, a inbuatsaih ngawrh hle.

Kum 30 mi Parineeti Chopra chuan, "Chawimwina ropui tak a ni a, ka phur tawh tak zet a ni," tiin a sawi. Saina chu India mai ni lo khawvela badminton player ṭha berte zinga mi a nih thu sawiin, a ngaihsan thu a sawi.

Parineeti chuan, "Zing-ah hma takah thoin badminton ka khel ṭhin a, Saina thiamna ang paw chhuak thei turin theihtawp ka chhuah a ni. Physio team ṭha takin min enkawl a, world class player-te nen trainning kan nei ho ṭhin a ni," tiin, a inbuatsaih nasat thu a sawi.

'Kesari' star chuan sawi zawmin, "Saina Nehwal biopic hi mipuiin an ngaihven tih ka hria a, beiseina pawh an nei sang hle a ni. A ṭha thei ang ber ka chuah dawn a, induh leh beisei ang hmuh tir ngei che u ka beisei a ni," a ti bawk.

Saina Nehwal chan-chin tarlanna film hi Amol Gupte chuan a direct dawn a, a title tur erawh tarlan a la ni lo. A tirah chuan Shraddha Kapoor chu Saina Nehwal lema chang tura tih a ni a, Parineeti Chopra hian a thlak dawn ta a ni.