Stacy hla thar ‘I rinawm ropuizia’

Gospel singer Stacy VL Muanpuii chuan hla thar a peihfel leh ta a, ‘I rinawm ropuizia’ tih a ni.

Stacy hian tun hnaiah music video a tichhuak ta nual a, thlan pawh a hlawh hlawm hle. Nikum October thla khan 'Thlen ka nghakhlel' a tichhuak a, Ṭhazual chart-ah pawh a thleng sang hle a ni.

Tun ṭuma a hla hi sap hla lehlin niin, Chris Rice hla 'Great Is Thy Faithfulness' tih kha a ni. A letlingtute hi Lalrammawia leh Vanneihtluanga te niin, belhchian a dawl hle. Soundtrack leh music arrangement hi Muanpuia Renthlei kutchhuak niin, audio hi Bluewave Records a ni thung.

Backing vocals an awm a, Nunui Chhangte, Abe-a, Famkima (FK-a) leh Hlimhlimi te an ni. Video hi Siama (SVP) kutchhuak a ni a, mit leh beng a tlai leh dawn hle a ni.

'Tunge' singer Stacy hian album a buaipui mek a, chumi karah chuan single a tichhuak zauh zauh bawk. A album thar tur hi 'Lal Chawimawina' tih a ni dawn a, kumin chhungin release hman beisei a ni.

A music video thar ‘I rinawm ropuizia’ hi zanin hian Zonet-ah tichhuah tum a ni a, MDM YouTube channel lamah pawh hmuh tur a awm thuai dawn a ni.