Will Smith-a'n Hindi hla-ah lam a thai
Hollywood superstar Will Smith chu India-ah lo kalin Bollywood star Tiger Shroff leh Tara Sutaria te nen Hindi hla 'Radha teri chunri'-ah lam an thaiho.
Will Smith hian Bucket List episode thara tihchhuah turin India ramah programme a rawn siam a, Bollywood star-te nen hian hun an hmangho. 'Student Of The Year 2' star - Tiger Shroff, Tara Sutaria, Ananya Panday leh Alia Bhatt bakah, Varun Dhawan leh Sidharth Malhotra-te nen duh tawka an han lam kual vel chu hmuhnawm tak a ni a, Bucket List show entute tan pawh mit leh beng a tlai dawn hle a ni.
Kum 50 mi Will Smith hi a hma pawhin India-ah a lokal tawh a, tih tur la zo loah a inngaih avangin a rawn inlan nawn leh ta a ni. 'Man in Black' star chuan,"Bollywood hian film industry dangte nen inan lohna tam tak a nei a, hei hian mi hip hle a ni. India hi nuam ka ti a, Bollywood star rual zinga khawsak hi a hlimawm tak zet a ni," tiin a sawi.