Tumahin NOBODY an tluk lo

North America Box Office-a hun eng emaw chen 'Raya and the Last Dragon' in ro a rel hnuah tunah chuan a rorelna tihtawpin a awm ta a, tunah chuan film thar 'Nobody' rorel hun a thleng va ta.

'Nobody' rorelna North America

Action Thriller film 'Nobody' hi Zirtawpni liam taah khan US-ah tlangzarh a ni a, Bob Odenkirk, Connie Nielsen, RZA, Aleksei Serebryakov, leh Christopher Lloyd-te channa niin tun kar tawp liam taah khan theatre 2,460-ah pek chhuah niin $6,820,100 a lalut.

Trailer aṭanga a lan dan chuan action film hmuhnawm tak a nih hmel a, critics lam pawhin an fak hle. Rotten Tomatoes-ah chuan critics 182 laiin an fak rawn a, rating pawh 7/10 lai a hmu. The Hollywood Reporter John DeFore pawhin a fak hle a, hmuhnawm a tih thu a sawi uar hle a ni.

'Nobody' siamna atan hian $mtd 16 vel an seng a, tun kar tawpah khan ram hrang hrang box office aṭanga a sum lakluh aṭangin $12,075,100 lai a lalut tawh a, an budget hi chu an hmulet thuai a rinawm.

'Raya and the Last Dragon' pahnihna a ni

Kar thum vel lai ro a rel hnuah 'Raya and the Last Dragon' chu pahnihna a ni ve ta a, heti chung hian kar tawp liam taah khan theatre 2,212 aṭangin $3,763,630 lai a lalut leh a ni. Tom and Jerry chu pathumna niin Chaos Walking chu palina a ni a, kar hmasaa palina The Courier chu pangana a ni thung.

Film thar, film thar

Box Office Mojo chart-ah chuan film 38 tarlan a ni a, chung zinga 22-na Six Minutes to Midnight chu film thar a ni a, Mystery of the Kingdom of God (26) leh Things Don't Stay Fixed (30)-na te chu film thar a ni bawk.