The Dropout Kate McKinnon thlaktu tur Amanda Seyfried

Hulu series 'The Dropout'-ah chuan 'Mamma Mia!' star Amanda Seyfried a chang dawn a, Theranos founder Elizabeth Holmes lemah a chang dawn.

Amanda Seyfried hian February thlaa project chhuahsan ta Kate McKinnon a thlak dawn a ni.

'The Dropout' film hi Elizabeth Holmes, Stanford dropout chanchin niin medical testing start-up Theranos dintu a ni a, kum 2015 khan Forbes chuan Holmes hi America-a self-made female billionaire naupang ber leh hausa berah a lo puang tawh a, mahse a kum leh lawkah Forbes chuan Holmes hausak zawng hi chhut ṭha lehin a 'net worth' chu 'zero' niin an puang leh a, hemi vang hian Fortune phei chuan 'World's Most Disappointing Leaders'-ah a puang hial.

Amanda Seyfried hi a changtunu a nih dawn bakah hian producer a ni nghal dawn bawk a ni.

Kum 35 lai ni ve tawh Amanda Seyfried hi Thomas Sadoski nen kum 2017 khan an innei a, fa panih a nei ve tawh bawk.