US pawn lamah ‘Godzilla vs. Kong’ a che ṭha

Vawiin lamah hian US-ah chuan an tlangzarh dawn chauh a, ram dangah erawng kar hmasa lamah khan an tlangzarh tawh a, a che ṭha nghal hlawm hle.

China cinema-ah chuan Zirtawpni aṭang khan tihchhuah ṭan niin kum khat dawn chhunga an rama Hollywood film che ṭha ber a ni hial.

Zirtawpniah ringawt khan China aṭang hian $mtd 21.5 a lalut a, nimin thleng khan ram danga a sum lakluh nen $mtd 123.1 a lalut tling der tawh.

He film siamna atan hian $mtd 160–200 vel an seng a, hripui len vanga khawvel ram hrang hranga theatre tam tham tak hawn a la ni lo chunga hetiang zat sum a lalut thei hian en chaktu an tamzia a tilang chiang hle.

Alexander Skarsgård, Millie Bobby Brown, Rebecca Hall, Brian Tyree Henry, Shun Oguri, Eiza González, Julian Dennison, Kyle Chandler, leh Demián Bichir-te channa Godzilla vs. Kong hian Rotten Tomatoes-ah chuan rating 6.5/10 a hmu a, US-a tlangzarh a nih rual hian HBO Max-ah pawh an tlangzarh tel nghal dawn a ni.