‘Venom 2’ September-ah

Sony Pictures chuan kar hmasa khan Tom Hardy channa ‘Venom 2’ tlangzarh hun chu sawn hlat a ni leh tawh tih tarlangin September 17-ah theatre-a en theih turin tlangzarh a ni dawn tih an puang.

'Venom' chhunzawmna hi hripui leng vangin tlangzarh hun an sawn zing tawh hle a, June 25-a tlangzarh turin thutlukna mumal tak an siam ta emawm tih hnuah September 17-ah tlangzarh a ni leh dawn zawk si tih an tarlang leh ta a ni. 'Venom 2' en chak tak takte pawhin an nghah rei leh deuh hlek a ngai dawn.

'Venom: Let There Be Carnage' tih a ni dawn tih an puang chiang tawh a, Michelle Williams kan hmuh leh dawn bakah Woody Harrelson chu Carnage lemah a chang dawn bawk a, Spider-Man comic fan-te tan chuan nghahhlelhawm tawh tak tur a ni.