Shah Rukh Khan

London University aṭang­in doctorate degree nei thar Bollywood superstar Shah Rukh Khan chuan University of Law, London aṭangin honorary doctorate in Philanthropy a nei thar a, doctorate degree pathum a neihna chiah a ni.

'King of Romance' an tih mai Shah Rukh Khan hian University of Bedfordshire leh University of Edinburgh aṭang tein honorary doctorate hi a lo dawng tawh bawk a, University of Law, London te hian an hlan ve leh ta a ni. University of Law, London hian kar kalta Ningani khan graduation ceremony an hmang a, zirlai 350 te hmaah honorary doctorate hi an hlan a ni.

'Zero' star chuan, "Chawimawina ropui tak a ni a, in mi duhsakna avangin ka lawm tak zet a ni. University thuneitute hmalakna ropui ka tiin, hlawhtlinna chang thar zirlaite pawh duhsakna ka hlan a ni," tiin a sawi.

Shah Rukh Khan hi Bollywood star zingah pawh mite ngaihsan rawn a ni a, India ram mai ni lo khawvel hmun dangah pawh ngaisangtu mi tam tak an awm a ni. Film star a nih piah lamah, producer, television host, philanthropist leh entrepreneur a ni bawk a, charity lamah a thawh hlawk hle bawk. Charity pawl a din 'Make-a-Wish Foundation' phei chuan hriat a hlawh hle a, a hnathawh hi kawvelin a ngai ropui hle a ni.