Ṭhazual Fakna-ah Andrew K. Lalchhandama 'Zalenna dar' a ring ber

Mizo Idol aṭanga Zoram mipuiin kan hmelhriat, Andrew K.Lalchhandama chuan 'Za­lenna dar' tih hla hmangin Ṭhazual Fakna chart-ah No.1 a hauh a, dinhmun sang ber a luah vawi khatna a ni nghal bawk.

Zela Chuaungo chuan pa­hnih­na a hauh a, H. Lalrem­ruati leh Lalremruata Fanai te chuan dawtin - Mizo Idol star Peter Lalnunpuia chu top 5-ah a inhlangkai bawk.

Zalenna Dar chu...

Darlawn tlangval Andrew hian Febriary thla khan a music video hmasa ber a tichhuak a, 'Zalenna Dar' tih a ni. He hla hi Malsawmdawngliani Chhangte phuah niin, Idol intihsiak lai pawh khan a lo sa tawh ṭhin a ni. A hla thu a ṭhain a satu aw nen pawh a inhmeh hle a, fakna hla thlan hlawh ber a ni pawh hi a mak lo.

'Zo-James Blunt' an tih mai Andrew K. Lalchhandama hian aw danglam tak a nei a, hei hi amah pawhin a hmang thiam hle. A music video-ah pawh hian hriat theihin a awm a, mipuiin an ngaithla nasa hle a ni.

Zela Chuaungo

Tun ṭum chart-ah hian 'Lunghlu' tih hla hmangin Zela Chuaungo chuan pahnihna a hauh a, chart-ah a dinhmun a siam ṭha mek zel. Dinhmun sang ber luah turin pen khat a la mamawh a, a puitlin theih ngei pawh a rinawm.

Champhai nula H. Lalrem­ruati chu 'Mawi tawp berin' tih hla hmangin top 3-ah a inham tang a, a hma pawin No.1 a lo kai tawh a ni. Lalremruata Fanai leh Peter Lalnunpuia te chu top 5-ah langin, Lalremruata leh Lalrempuii Hnamte ten an dawt. Rempuii hian tun hnai khan music video a tichhuak a, chart-ah a rawn inlar nghal thei a ni.

Sanga Renthlei, Lalchhuan­sanga leh Lalrinfela Tlau te chu top 10-ah an lang bawk.

Ṭhazual Fakna Top 10
1. Andrew K. Lalchhandama - Zalenna dar
2. Zela Chuaungo - Lunghlu
3. H. Lalremruati - Mawi tawp berin
4. Lalremruata Fanai - Krista thisen
5. Peter Lalnunpuia - Tlang lamah khian
6. Lalremruata - Tute nge?
7. Lalrempuii Hnamte - Mamawh chhanna
8. Sanga Renthlei - I hming ropui se
9. Lalchhuansanga - Ka kiangah awm reng rawh
10. Lalrinfela Tlau - Lal Krista tuinung lui