Bond actress Nadja Regin a thi

James Bond movie-a ṭum hnih lo inlan tawh, Serbian actress Nadja Regin chu Thawhṭanni khan kum 87 mi niin a boral a, a thih chhan erawh tarlan a ni lo.

A thih thu hian film khawvel a dengchhuak hneh hle a, a bikin James Bond film ngainatuten an ngaihven zual a ni. Uitu pawh a ngah hle a, social media hrang hrangah a chanchin leh thlalak te hmuh tur a tam hle a ni.

Regin hi James Bond film aṭangin khawvelin a hmelhriat a, kum 1963-a tihchhuah From Russia with Love leh Goldfinger (1964) ah te khan a inlan a ni. Amah hi Belgrade, Serbia-a piang niin, kum 1950 khan U.K-ah an pem a ni.

British movie hrang hrangah a inlan a, hei hi James Bond film siamtute pawhin hriain an sawm lut ta a ni.

Film pawh a chang hnem hman hle a, Solo for Sparrow leh Don't Panic Chaps! te chu a larzual an ni.