April 11-ah Modi film release dawn

Tun hnaia Bollywood film chanchin ngah tak, Prime Minister Narendra Modi biopic chu April 11 hian release a ni dawn ta. India bakah ram 38-ah tlangzarh a ni dawn bawk a, chung zingah chuan US, UK, Canada leh Australia te pawh a tel a ni.

PM Narendra Modi chanchin tarlanna film hi a tirah chuan April 5-a tlangzarh tura tih a ni a, amaherawhchu Bombay High Court-ah PIL thehluh anih avngin a hun takah release theih a ni lo. Tihchhuah an tum hun hi Lok Sabha inthlanpui neih tur atana campaign hun lai a nih avangin model code of conduct a kalh a, hei vang hian Election Commission chuan a tikhawtlai ta a ni.

He film siam chungchangah hian politics a inrawlh nia sawi a awm avangin a chhuah hun tur pawh hi sawn a ni a, film producer Sandep Singh leh Modi-a lema changVivek Oberoi leh a ukil Hitesh Jain-te pawh poll panel hmaah an lo inlan tawh a ni. April 11 ṭangin MP election thawhkhatna ṭan a ni dawn a, hemi ni chiah hian tlangzarh a ni dawn ta a ni.

Anand Pandit chuan Modi biopic hi ram 38 zetah tichhuah a ni dawn tih sawiin, Europe ram hrang hrang bakah North America lamah pawh tihchhuah a ni ang.