Olivia Rodrigo hla thar 'Deja Vu'

'Drivers License' singer Olivia Rodrigo chuan hla thar 'Deja Vu' a tlangzarh dawn tih Thawhṭanni khan a puang a, zanin lamah hi chuan a ngaihthlak theih tawh a rinawm

Thawhṭanni khan Olivia Rodrigo chuan social media lamah Ningani dar 9 AM PST (IST 9 PM)-ah hla thar 'Deja Vu' a tichhuak dawn tih a tarlang a, April 1-ah tak tlangzarh a tum avang hian miin a tider emaw an tih a hlau a niang, "April fool fiamthu a ni lo tih ka tiam e lol," tiin a sawi zui bawk.

'High School Musical: The Musical: The Series' star hian a debut single 'Drivers License' chu January 4 khan a tlangzarh a, a hit nghal hle a, Billboard Hot 100 chart-ah kar riat lai topper a ni nghe nghe.

'Drivers License' hit zia chu rimawi lam tuipuite chuan an hre ṭheuhin a rinawm a, chuvang chuan 'Deja Vu' pawh hi a hit leh viau mai thei a ni.