Mortal Kombat tlangzarh hun an sawn hla hret Venom pawh an sawn leh tawh

Mi tam takin an nghahhlelh 'Mortal Kombat' tlangzarh hun chu kar khatin an sawn hla.

Warner Bros. fantasy-action film hi April 16-a tlangzarh tura tih ni vek tawh mah se thuchhuah thar siam lehin April 23-ah zawk tlangzarh a ni dawn. He film hi theatre leh HBO Max-ah an tlangzarh dawn a ni.

Mortal Kombat tlangzarh hun sawn hlat hi Warner Bros. film tho, 'Godzilla vs. Kong' tlangzarh a nih tak vang nia tarlan niin, 'Mortal Kombat' tlangzarh hun sawn hlat hian 'Godzilla vs. Kong' tan sum tam zawk lakluhna tur kawng a hawn sak dawn niin an ngai.

'Mortal Kombat' hi a trailer aṭang ringawt pawhin en a chakawm tawh a, video game leh a film hmasaa kan hmelhriat tawh ṭhin character tam tak chu an rawn thar thawh leh dawn tih a chiang a, en theih hun nghakhlel fe fe chu an tam tawh hle ang.

Venom pawh
'Venom: Let There Be Carnage' pawh tlangzarh hun tur an sawn leh ta.

Kar hmasa lamah khan June 25-a tlangzarh an tum chu September 17-ah tlangzarh a ni dawn zawk tih an puang a, tunah chuan September 24-ah tlangzarh a ni dawn tih an tarlang leh tawh a ni.

Tom Hardy channa 'Venom 2' James Gunn-a film 'The Suicide Squad' nen a insut buai lohna turin tlangzarh hun an sawn hle leh ta nia ngaih a ni ve bawk.