Alia Bhatt leh Ranveer ten film changdun dawn

'Gully Boy' star Alia Bhatt leh Ranveer Singh te chuan film an changdun leh dawn niin media-te chuan an tarlang a, a thleng dik a nih chuan a ṭum thumna tur a ni ang.

Ranveer Singh leh Alia Bhatt te hi bollywood star zingah pawh boruak nei lian ber pawl an ni a, film changdun leh tur anga sawi an ni pawh hi thil mak a ni lo. Indian film director Karan Johar film siam leh tur 'Takht' chu an inlan dunna tur niin an sawi a, thu chiang tak erawh hriat tur a la awm lo.

He film-ah hian Ka­reena Kapoor Khan, Vicky Kaushal, Janhvi Ka­poor leh Bhumi Pedne­kar te pawh an inlan dawn niin an tarlang. Alia Bhatt hi 'Kalank'-ah Ranbir Kapoor nen an changdun a, Sanjay Leela Bhansali film thar tur 'Inshallah'-ah Salman Khan nen an changdun dawn bawk. Ranveer pawh 2020-a tichhuah tur Kapil Dev biopic-ah a inlan dawn a, hei vang hian Alia Bhatt nen hian an changdun ang em tih chu zawhna awm mek a ni