'Cinderella' film-ah Camila Cabello

American-Cuban singer Camila Cabello chu a vawi khat nan film khwvelah a zuanglut dawn a, 'Cinderella' film chhuak thar leh turah a inlan dawn.

Drama/fantasy film Cin­derella hi kum 2015 khan release a lo ni tawh a, siam thar a ni leh dawn. A changtu tur zingah Camila Cabello a tel avangin ngaihven a hlawh zual a, Kay Cannon nen an thawkdun tur hi a nghah­hlehawm tawh hle a ni.

American hmeichhe film maker lar Kay Cannon hian Cinderella hi a direct dawn a ni.

Cabello hi a changtu zing­ah a tel dawn a ni ringawt ngawt loa, he film-in a ken tel tur hla te chu aman a sa nghal dawn bawk a ni. Cinderella-ah hian English actress Lily James leh Scottish actor Richard Madden te pawh an inlan leh dawn nia tarlan a ni.