Madonna Israel-ah perform dawn

Eurovision Song Contest chu May thla khian Israel-ah neih a ni dawn a, he hunah hian American singer ropui Madonna a peform dawn. Hemi chungchang hi Live Nation Israel chuan tarlangin, engkim ruahman fel a nih tawh thu an sawi.

Eurovision Song Contest buatsaihtu Eurovision Broad­­casting Union pawhin Ma­don­na perform tur thu hi an puang chiang tawh a, a boruak a lian dawn hle. Live Nation Israel representative Guy Beser chuan Madonna hian hla hnih a sa dawn tih sawiin, a album thar a mi tur pawh a sa tel dawn niin a tarlang.

Zai hmanga intihsiakna Eurovision Song Contest hi a lar chak hle a, Madonna meuh pawh a inlan dawn tak avangin ngaihventu an tam leh zual a ni. Hetih rual hian Israel-ah ngah a nih avangin mi tam takin an sawisel a, Europe ram dangah sawn tur­in an ngen. Palestinian te chuan an duh lo zual a, boy­cott an tum thu an sawi a ni.

Intihsiak hi May 18 khain Tel Aviv, Israel-ah ṭan a ni dawn a, nikum khan Israeli singer Netta chu pakhatna a lo ni tawh a ni.