Black hole thlalak hmasa ber pholang

Mizo ṭawng ang maia kan hman tlanglawn a ni a, a chanchin pawh hriat leh zir tur a tam hle. A thalak ni awm tak te pawh hmuh tur a awm fo ṭhin a, amaherawh chu a tak tak erawh Nilaini khan pholan a ni chiah.

Black hole thlalak hmasa ber hi Event Horizon Telescope (EHT) chuan an tlangzarh a, Astrophysical Journal Letter chuan an tichhuak bawk.

Black hole thlalak hma­­sa ber hian ngaihven a hlawh a, scientist-te beng pawh a verh zual hle. Radboud University-a Pro­fes­sor Heino Falcke chuan black hole thla an lak hi M87 tih a nih thu leh, km tluklehdingawn 500 chuanga mi chu telescope pariat hmanga lak a nih thu a sawi.

Falcke hian 1993 aṭang tawh khan black hole thla lak a nih theih nan hian ngaituahna a lo seng tawh a, khatih hunlai kha chuan thil theih lohah an ngaih sak - kum 2019 a herchuah meuh chuan black hole thlalak chu khawvel mit hmuhah pholan a ni ta a ni.

Hemi atan hian project lian tak kalpui niin, Euro­pean Research Council leh National Science Foundation ten an bultum a, £mtd 40 zet sen ral a ni.