Dua Lipa-i'n Katy Perry thurawn a la

British singer Dua Lipa chuan Katy Perry hnen aṭanga thurawn a lak thu leh google-ah mahni in search lo tura a tih thu a sawi.

'New Rules' hitmaker hian hemi chungchang hi tun hnai khan sawi chhuakin, internet lamah sawiselna leh thlalak mawi lo tak tak a tam ṭhin avangin mahni in search loh chu a him ber tih a hrilh niin a sawi. Dua Lipa chuan, "Katy Perry hnen aṭangin thu ṭha tak ka dawng a, harsatna tam tak ka pumpelh theih nan kawng min kawhhmuh a ni," a ti a, Coldplay frontman Chris Martin hnen aṭanga fuihna a dawn thu a sawi lang bawk.

Kum 23 mi Dua Lipa hi tunlai zaithiam zingah chuan boruak nei lian berte zinga mi a ni mek a, a chanchin hian ngaihven a hlawh. Tun hnai khan Elle magazine chuan an interview a, album thar chungchang a sawichhuak.

Dua Lipa chuan a album pahnihna tur a buaipui thu sawi­in, a chhuah hun tur erawh sawi lawk theih a la nih loh thu a sawi.

Lifestyle magazine lar Elle hian Dua Lipa hi cover girl atan an hmang a, album thar chung­chang bakah, a chanchin ngaihnawm tak chhiar tur a awm a ni.