The Lion King trailer a chhuak ta
Animation movie ngainatute tan chanhchin lawmawm a awm leh ta. July thla-a tlangzarh tur 'The Lion King' chu a official trailer tihchhuah a ni ta a, a hit nghal hle.
Official trailer hi Nilaini khan tichhhuah niin, aw thawhtu zingah Donald Glover leh Beyoncé te pawh an tel. American actor Glover hian Simba aw a thawh a, singer Beyoncé chuan Nala aw a thawh thung. John Oliver, Billy Eichner leh Seth Rogen te chu awh thawhtu zingah hian an tel ve bawk.
Drama/adventure film 'The Lion King' hi Jon Favreau kutchhuak niin, July 18 khian Russia-ah tlangzarh a ni ang. A hma pawhin trailer tenau chu lo chhuak tawh tho mah se Official trailer erawh chu Nilaini khan an tichhuak chauh a ni.