Indira Gandhi lema chang tur Vidya Balan

Bollywood star Vidya Balan chuan hmachhawp lian tak a neih thu sawiin, India Prime Minister hlui Indira Gandhi lemah a chang dawn tih a tarlang.

Indira Gandhi chanchin beh­chhan hian web serial tihchhuah a ni dawn a, hetah hian Vidya Balan hi a inlan dawn a ni. Thawhlehni khan Film Critics Guild leh Motion Content Group te chuan Critics Choice Film Award 2019 dawng thei tur an puang a, chung zingah chuan Vidya Balan pawh hi a tel. Award dawng thei tur puan ni hian Vidya Balan hi media ten zawhna zawtin, Indira Gandhi lema a chan tur thu hi a puang ta a ni.

Kum 40 mi Vidya Balan chuan, "Indira Gandhi chu India Prime Minister zinga ropui ber pawl a ni a, hmeichhe zinga he dinhmun luah thei hmasa ber a ni bawk. A chanchin behchhana film siam a ni tur hi ka lawm a, Indira lema chang tura min thlang hi ka lawm tak zet a - chawimawina ropui tak a ni," a ti.

Indira Gandhi biopic hi Vidya pasal Siddharth Roy Kapur chuan a produce dawn a, a chhuah hun tur erawh hriat a la ni lo.