RFL Miss Mizoram 2020 Miss Mizoram Mamit-in Subtitle pahnih a la

RFL Miss Mizoram 2020 thlanna kal zelah March 7, Inrinni zanah khan Seven Wonders programme hman a ni a, he hunah hian subtitle pasarih hlan a ni.

Seven Wonders hun hi Vanapa Hall-ah neih a ni a, he hunah hian designers-te kut chhuak collection pali an entir zawhah subtitle pasarih dawngtute puanna hi neih a ni a, Zomuanpuii Fanai, Miss Mizoram Mamit chuan subtitle pahnih a la.

Inrinni zanah hian Skin 911 Miss Refreshing Beauty, Miss Active, Miss Photogenic, Miss Talented, Miss Rampwalk, Miss Body Beautiful leh Miss Personality subtitle-te hlan a ni. Miss Mizoram 2020 Grand Finale hi March 14 hian R Dengṭhuama Hall-ah neih a ni dawn a, he hunah hian subtitle pali- BWAP, Miss Con­geniality, People's Choice leh Oriflame Miss Beautiful Skin sem a ni ang.

Seven Wonders-a subtitle latute:-

1.     Skin 911 Miss Refreshing Beauty     - Fiona Lalthahlui, Miss Mizoram Saitual 2020

2.     Miss Active     - Zomuanpuii Fanai, Miss Mizoram Mamit 2020

3.     Miss Photogenic     - R Lalsangzeli, Miss Mizoram Lunglei 2020

4.     Miss Talented     - Lalmuansangi, Miss Mizoram Champhai

5.     Miss Rampwalk     - C Lalhmangaihzuali

6.     Miss Body Beautiful     - Zomuanpuii Fanai, Miss Mizoram Mamit

7.     Miss Personality     - Lalhriatchhungi