Nipsey Hussle vuinaah silai a puak leh Mi pakhat a thih bakah mi eng emaw zat hliam

March 31-a kah­hlum Ame­rican rapper Nip­sey Hussle chu Ni­ngani khan vui liam a ni a, amah thlah liam tura mi ṭhahnem tak an punkhawmna hmunah silai a puak leh. He thil thleng­ah hian mi pakhtin nunna a chan a, midang eng emaw zatin hliam an tuar.

Los Ange­les police Chief Michel Moore chuan pawi­khawihna a thleng nawn leh chu pawi a tih thu sawiin, titawp tura theihtawp an chhuah tur thu a sawi.

Rapper Nipsey Hussle hi March 31 khan a dawr kawta a awm chu silai hmanga beih a ni a, hospital panpui a nih hnuah a thi. Hun eng emaw chen vui liam loha a ruang vawn ṭhat a nih hnuin Ningani khan vuiliam a ni a, fans tam takin an thlah liam a ni.

A vuina hun hi Staples Center, Los Angeles-ah neih niin, kawtthlerah mi tam tak an pungkhawm. Amaherawhchu mi tu tih hriat loh ten silai an hmehpuah avangin mipui an ralkhel a, police lam pawh a hmunah an thleng nghal. Mita hmutute chuan pawikhawitute hi African-American hmelpu, kum 30-50 inkar vel a nih thu sawiin - an zingah hian hmeichhe pakhat pawh a tel niin an sawi. Police te chuan he thil thleng hi an chhui zui nghal a, he thu buatsaih lai thleng hi chuan man an la nei lo.

American rapper kap­hlumtu hi Eric Ronald Holder (29) niin, man a ni hnuah a inpuang a ni. Holder hi jail-ah tan tir niin, $mtd 5 chawi tur tih a ni bawk.

Kum 33 mi American rapper Nipsey Hussle hi rawng taka kahhlum a ni a, a thih zan hian amah uitu mi ṭhahnem tak an pungkhawm a - he hunah hian buaina a chhuak zui leh bawk. A ruang thlah niah pawh silai hmeh puah leh a nih avangin mipui an thla bar a, nunna chan an awm bawk avangin he thil thleng hian dem a hlawh hle a ni.