Robbie Williams-a'n X Factor a chhuahsan

British singer Robbie Williams chuan X Factor a chhuahsan thu a puang a, a nupui Ayda Field pawh a inlan tawh dawn lo tih a sawi. Hetih rual hian Simon Cowell chu an la thawhpui zui zel tur thu a tarlang thung.

Robbie Williams leh Ayda Field te hian nikum khan X Factor hi an zawm ve chauh a, an chhauhsan tur thu an puang leh ta mai hian mipui a barakhaih hle a ni. Williams te nupa hian engvanga chhuahsan nge an nih an tarlang loa, X Factor kal leh zelna turah duhsakna an hlan thu erawh an tarlang thung.

Field hian music lamah tawnhriat a nei loh avangin sawiselna a lo tawk fo tawh a, judge ni tlak loah mi tam tak chuan an ngai. Simon Cowell ngei pawhin a lo chhan fo tawh a, sawiselna tam tak avang hian an inhkukdawk ta mai em ni ang tih chu zawhna awm mek a ni.