Salman Khan-in sum lalut tam dawn

Bollywood actor Salman Khan leh smartphone brand Realme-te chuan thawhdunna tur an ziak a, he brand atana advertisement shooting an neihna turah hian ni khatah Rs vaibelchhe 7 a la lut dawn niin Bolly­wood entertainment website Hungam chuan a tarlang.

Chinese smartphone company Realme hian Salman Khan hi an smartphone tihchhuah thar tur Realme 6 leh Realme 6 Pro atan an brand ambassador a ni dawn tih kar liam ta khan an tarlang tawh bawk. Hei vang hian India media-te chuan Salman Khan sum lak luh tur hi ni khatah Rs vbc 7 a ni dawn niin an tarlang a, mahse hei hi finfiahna tak erawh a awm lo.

Advertisement atan hian ni nga vel Salman hian shooting a nei dawn tih thuthar thehdarhtute hian an sawi lang bawk a, nikhata a sum lak luh tur hi an inrinsiak ni berin a lang. Realme lam hian official-in thuchhuah engmah an la siam lo a ni.