Habit-ah Bella Thorne a chang dawn

American actress leh singer chhe lo tak Bella Thorne chu Habit film-ah a chang dawn.

Kum 22 mi Thorne hi a changtu ber a nih hmel a, party girl, ruihhlo vanga nasa taka buai, tlanchhuahna zawnga a hnua Catholic nun anga inchhala a nun hlui bansan tum lemah a chang dawn a nih hmel. Habit hi Janelle Shirtcliff chuan a direct dawn a,  Janelle leh Libby Mintz-te thawnthu ziah behchhanin Suki Kaiser chuan script a ziak a ni.

Disney Channel  series Shake It Up aṭanga khawvelin a hriat lar Bella Thorne pawh hian Habit-a a chang tur hi a phur tawh hle tih a sawi. Film hrang hrang a chang tawh a, chung zingah chuan Blended (2014), The DUFF (2015), Alvin and the Chipmunks: The Road Chip (2015), You Get Me (2017), Amityville: The Awakening (2017), The Babysitter (2017), Midnight Sun (2018) leh Assassination Nation (2018)-te pawh a tel.