‘Knives Out’ chhunzawmna NETFLIX-in lei

Streaming giant Netflix chuan $maktaduai 450-in 'Knives Out' film chhunzawmna tur pahnih 'Knives Out 2' leh 'Knives Out 3'-te chu an lei.

‘Knives Out’ chhun-zawmnaah hian director Rian Johnson leh Daniel Craig-te chu an thawk dun leh dawn tih Variety chuan an tarlang. Media Rights Capital produce film hi tunah chuan Netflix kutah a awm ta a, kan en thuai thei turah ngai ang.

Kum 2019-a tlangzarh ‘Knives Out’ kha $mtd 40 vel lek senga an siam niin $mtd 311.4 lai a lalut thung a, director Rian Johnson phei chu Oscar-ah 'best original screenplay' nominee a nih phah hial.

HBO Max, Disney Plus leh Apple TV Plus-te an rawn len tak zelah chuan Netflix pawhin nasa takin ṭan an la thar a, tuna ‘Knives Out’ chhunzawmna an leina hi movie series neitu nihna chungchanga inremna man to ber zinga mi a nih phah hial bawk a ni.