Tori Kelly-in Grande leh Lovato thawhpui a duh

Tori Kelly chuan Ariana Grande leh Demi Lovato-te chu hla thar siam pui a chak thu a sawi.

Kelly hian hemi chung­changa a sawilan tirh chuan Grande leh Lovato chuan fiamthuah an la mai mai tih sawiin, ani erawh chuan thawhpui tak tak a duh tih a sawi a ni.

Khawthlang zaithiam pathumte hian thla hmasa khan Saddle Ranch Chop House-a party-naah  karaoke an ti ho a, chumi video chu a darh zui a ni. Hemi hnu hian 'Should've Been Us' singer Kelly hian a ṭhainte pahnih chu studio-a luhpui ngei a chak thu a sawi zui.

Kum 2015 khan  Ed Sheeran nen  'I Was Made For Loving You' an lo tichhuak  dun tawh a, Sheeran pawh hi thawhpui leh a chak thu a sawi bawk.