Cardi B album a hnai

Nikum khan 'Invasion of Privacy' album a tichhuak a, kuminah pawh album thar tichhuah leh ngei a tum. American hmeichhe rapper Cardi B chuan album a buaipui leh mek thu sawiin, kumin chhunga tihchhuah hman a beisei tih a tarlang.

Rap star Cardi B hian hemi chungchang hi tun hnai khan a sawi chhuak a, a inbuatsaih mek tih a sawi. Hetih rual hian a title tur erawh a la sawi lang lo a, release hun tur la chiang lo mah se kuminah erawh a nih ngei hmel.

Cardi B hian Offset nena an fa, thla riat mi Kulture a pawm mek a, hei hian music lama a hmachhawpte tipuitling turin a dal zo lo. 'Money' singer chuan, "Album atan theihtawp ka chhuah leh dawn a, a ṭha ber ka duh avangin thil ṭul dang te pawh ka kalsan a la ngai dawn a ni," tiin, album atan a insawrbing tur thu a sawi.