Praise On 2016 Top 3 Arini, Zorina & Cindy music video 'Nunna Thar'

Praise On 2016-a a tiṭha zual mi pathum - Arini, Zorina leh Cindy te chuan music video an siam thar a, zaninah Zonet-ah tihchhuaha ni ang. An music video hi 'Nunna Thar' tih a ni a, ngaihthlak man hla tur tak a ni.

'Nunna Thar' tih hla hi Fela irawm chhuak niin, Praise On 2016 trio te hian an sa nalh hle a ni. Music track mawi tak mai hi Kima Chhangte siam sak a ni a, recording hi Masky Records kutchhuak a ni. Music video siam lama hnuhma nei ṭha tak Chiang­tea Videography chuan video hi a siam sak thung a, belhchian a dawl leh pek hle.

Arini, Zorina leh Cin­dy te hian hun eng emaw chen aṭang khan an pathuma music video siam hi an lo rilruk tawh a, a hlawhtlinna kan hmu dawn ta a ni. Tun ṭuma an music video hi Vanlalruati hriatreng nana an siam niin, Music Home leh Firstcry, Chanmari ten an sponsor a ni.

Praise On 2016 trio te music video thar hi MDM library-ah dahluh niin, Zonet bakah MDM YouTube channel-ah tihchhuah a ni ang.

Praise On 2016-ah khan Durtlang nula R. Lalrinmawii (Arini) hi pakhatna niin, Zorinsanga Sailo leh Cindy Lalthanpuii te hi top 3-ah an lang a, tun lai gospel singer zingah chuan boruak nei lian ber te zinga mi an ni.