April 22 aṭangin MZU festival lian 'Virthli' ṭan dawn

Mizoram University (MZU) Students' Council buatsaih 'Virthli Festival' chu April 22 aṭang hian hman ṭan a ni leh dawn ta a, ni nga chhung a awh ang.

MZU hian University leh college zirlaite tan kumtin festival a buatsaih ṭhin a, a hmingah 'Virthli Festival' tih a ni. He festival hi 'Varsity Fest' tih leh 'Vibrio' tia sawi a lo ni tawh ṭhin a, nikum aṭang khan 'Virthli' tia thlak a ni ta a ni.

Festival-ah hian intih­hlimna hrang hrang buatsaih ṭhin niin, Quiz, Debate, Var­sity Miss, Runway Show­­down leh Rock Fest te chu ngaihven hlawh zual an ni. Heng bakah hian - Got To Dance, Writing Com­petition, Futsal leh thildang eng emaw zat a la awm.

Kuminah pawh - Mara­thon Race, Essay, Campus Sket­ching, 3 on 3 Basketball, T-shirt Painting leh Women Volleyball bakah Virthli Talk te a awm dawn a, gaming lama tui tan pawh khelh tur a awm nual dawn. Runway Showdown leh Varsity Mister & Miss te chu hmuh chakawm a ni leh dawn a, Cultural Day pui tham tak hman a ni dawn bawk a - a tawp kharna 'Inferno' pawh hmaih phal chi a ni lo.

Virthli Festival-a event hrang hranga tel duh college leh cultural club te tan April 22, Thawhṭanni thleng https://mzuvirthli.in -ah registration tih theih a ni. Festival neih chhung hian Food Court hawn tum a ni bawk a, a duh apiang chhan theih turin tender chhuah a ni.

Virthli Festival thupui atan hian ‘Odyssey To Para­dise'' tih chu thlan a ni.