WhatsApp Payment a la hla

Nikum khan launch a ni a, amaherawh chu tun thlengin hman tak tak theih a la ni lo. Company lam chuan India-ah bik chuan WhatsApp Payment chu September thla chawhnu lamah a taka hman theih an beisei thu an sawi.

WhatsApp hian bank ṭhenkhat te nen inthlunzawmin awlsam zawka pawisa khawih chet theihna tur an duang a, ICICI Bank, Axis Bank, HDFC Bank leh State Bank of India te pawh an thawhpui zingah hian an tel. WhatsApp Payment hi India ramah ngei pawh launch a lo ni tawh a, nimahsela mipui hman tak tak turin peihfel a la ni lo. Hemi chungchangah hian company lam chuan tun hnai khan thuchhuah an siam a, August emaw September thla velah chuan a nihna tur ang taka peihfel hman an beisei thu an sawi a ni. Media te tarlan dan chuan company lam hian Reserve Bank of India (RBI) nen guide line chungchangah inremn lohna an nei niin an sawi a, hei hi chingfel turin hma lak mek a nih thu an sawi.