Journalism huanga chawimawina sang Pulitzer Prize sem a ni ta

Journalism huanga chawi­mawina sang Pulitzer Prize chu sem a ni leh ta a, The Washington Post leh Reuters te an langsar hle.

The New York Times leh The Wall Street Journal te chu chawimawina dawng langsar zingah telin, Sun-Sentinel chuan a ṭum hnih nan Pulitzer Prize an dawng ve leh bawk.

Khawvel huapa newspaper lar The Washington Post leh News organization com­pany Reuters te chuan an hnathawh ṭhat vangin chawimawina hlu tak pahnih an dawng a, an thawhrimna khawvelin a hmuh hmaih lo. The Washington Post tan hian Carlos Lozada chuan Criticism huangah chawi­mawina a dawng a, Feature Photography huangah Lorenzo Tugnoli hmangin chawi­­mawina an dawng bawk.

Reuters hian Buddhist mite leh Myanmar sipaiten Rohingya Muslim mite an thah dan chungchang an chhui chianna leh US ramria pemluh tumte thlalak an tihchhuahah hmangin an la ve thung. Reuters tana Pulitzer Prize hlawhchhuaktu zingah hian an staff zingah mi Myanmar journalist, sorkar thupek puangzara puha Yangon jail-a tang mek mi pahnih an tel a - an chanchin hian ngaihven a hlawh thar hle a ni.

The New York Times

The New York Times news­­paper chuan Editorial Wri­ting leh Explanatory Repor­ting-ah chawimawina an dawng a, Public Service lamah South Florida Sun Sentinel te an che ṭha ber thung.

Pittsburgh Post-Gazet­te chu Breaking News Repor­­ting huangah chawi­mawina dawngtu an ni a, Los Angeles Times ten Investigative Reporting an thunun thung. Los Angeles Times tana Pulitzer Prize hlawhchhuaktute hi Matt Hamilton, Harriet Ryan leh Paul Pringle te an ni.

Local Reporting nei ṭha ber chu The Advocate an ni a, National Reporting-ah The Wall Street Journal chungnungin, Associated Press leh Reuters ten International Reporting huangah chawimawina an dawng bawk. Associated Press tan hian - Maggie Michael, Maad al-Zikry leh Nariman El-Mofty te chuan Pulitzer Prize hi an hlawhchhuak a ni.

Photography huang

Photography lamah hian category pahnih - Breaking News Photography leh Feature Photography te a awm a, Reuters leh The Washington Post bawk an che ṭha.

Breaking News Photo­gra­phy-ah Reuters ten chawimawna an dawng a, Feature Photography-ah The Washington Post te chu winner an ni. Reuters in chawimawina an dawnna thlalak hi 'On the Migrant Trail to America' tih a ni a, Wa Lone leh Kyaw Soe Oo te lak a ni.

Ellen Reid

Music huanga chawi­mawna dawngtu chu Ellen Reid a ni a, ani hi hla phuah thiam a ni. Kum 52 mi Cana­dian Ellen Reid hian 'P r i s m' hmangin Pulitzer Prize hi a hlawhchhuak a ni.

Hetih lai hian American sin­ger famta Aretha Franklin chu Special Award hlan a ni. Aretha hi American music leh culture lama a thawh hlawk avangin chawimawina hi hlan a ni.

Kumtina sem ṭhin Pulit­zer Prize hi - newspaper, maga­zine, online journalism, literature leh music huanga hna thawk ṭha te hnenah hlan ṭhin a ni a, ngaihsan pawh a hlawh hle ni.

Pulitzer Prize Winner

Public Service
- Sun Sentinel

Breaking News Reporting
- Pittsburgh Post-Gazette

Investigative Reporting
- Los Angeles Times

Explanatory Reporting
- The New York Times

Local Reporting
- The Advocate

National Reporting
- The Wall Street Journal

International Reporting
- Associated Press & Reuters

Feature Writing
- ProPublica

Commentary
- St. Louis Post-Dispatch

Criticism
- The Washington Post

Editorial Writing
- The New York Times

Editorial Cartooning
- Darrin Bell (Freelancer)

Breaking News Photography
- Reuters

Feature Photography
- The Washington Post

Music
- Ellen Reid

Special Award
- Aretha Franklin
- Capital Gazette