Bella Thorne leh Mod Sun an inṭhen

Hmanni lawkah a bialnu a ṭhen a, tun ṭum chu a bialpa nen an inṭhen ve leh thung! American actress Bella Thorne chuan rapper Mod Sun nen an inṭhen tih a sawi a, a hmangaih reng tur thu a sawi zui bawk.

Kum 21 mi Bella Thorne hian Mod Sun nena an inkar an tihtawp thu hi Instagram lamah a tarlang a, an thlalak dunna a post bawk. Caption-ah, "Ka hmangaih reng ang che. A tawpah chuan thil ṭha ber a lo thleng ang," tiin a tarlang.

Nula awmherh ve tak Bella hi February thla khan hmeichhe YouTuber lar, Tana Mongeau nen an inṭhen a, sawi hat a tling a nih kha. Bella hian a hmeichhiatpui a kawp avangin sawiselna pawh a tawk nasa hle a, a bialpa Mod Sun a chan leh tak bawk avangin a chan a chau hle a ni. American rapper Mod Sun nen hian kum 2017 aṭang khan an inzui ṭan a, inhriatthiam tawnna nen an thlah fel ta a ni.