BTS-in Blackpink record an thaichhia

South Korean pop band Blackpink ten tun hnai lawka record an siam chu BTS ten an rawn thaichhe ve leh ta. Blackpink hian darkar 24 chhunga YouTube-a viewer ngah ber record an siam a, hei hi BTS te hian an rawn khum a ni.

YouTube chuan South Korean boy band BTS ten an music video thar 'Boy With Luv' hmanga 'ber' nihna an hauh thu hi an puang a, darkar 24 chhung­in viewer maktaduai 74.6 zet an nei hman tih an tarlang. Blackpink hian hetih chhung vek hian viewer mtd 56.7 neiin hun rei vak lo chhung chu viewer ngah ber an ni a - BTS lo lan hnuah erawh thil a danglam leh ta a ni.

BTS hian 'Boy With Luv' video hi April 12 khan an tichhuak a, viewer mtd 140 chuang zet an awm tawh a ni. An hla tharah hian American singer Halsey an thawhpui nghe nghe.