‘Space Jam: A New Legacy’-ah Zendaya

Space Jam film an siam thar ‘Space Jam: A New Legacy’-ah chuan Spider-Man star Zendaya pawhin a aw a thawh dawn a, Lola Bunny aw atan a aw a thawh a ni.

‘Space Jam: A New Legacy’ chuan twitter kaltlangin hemi chungchang hi an tarlang.

Kum 1996-a tlangzarh Space Jam-ah kha chuan Lola Bunny hi Bugs Bunny bialnu niin an basketball game hnuhnung berah a inhliam ṭep a, mahse Bugs Bunny-a'n a rawn chhan vel ngei a nih kha.

'Space Jam: A New Legacy' trailer hmasa ber hi Inrinni zingah khan tihchhuah a ni tawh a, a boruak a lian nghal hle a, July 16 hian US-ah chuan HBO Max leh theatre-ah an tlangzarh dawn a ni.

Los Angeles Lakers superstar LeBron James chuan NBA legend Michael Jordan ai a rawn awh dawn a, Khris Davis, Sonequa Martin-Green leh Cedric Joe-te pawh an chang dawn bawk.

NBA leh WNBA player eng emaw zat chu cameo-in an inlan dawn a, chung zingah chuan Anthony Davis, Damian Lillard, Klay Thompson, Diana Taurasi leh Nneka Ogwumike-te pawh an tel.