Taylor Swift ‘Fearless (Taylor’s Version)’ Keith Urban a thawhpui

Taylor Swift chuan Zirtawpni liam ta khan ‘Fearless (Taylor’s Version)' tracklisting a tichhuak a, hla 27 lai awmin Keith Urban leh Maren Morris-te a thawhpui a ni.

Social media kaltlangin Taylor Swift hian a tracklist thar hi a tlangzarh a, a hla kan hriat tawh hnu eng emaw zat a awm bakah kan la ngaihthlak lohte pawh a awm nual.

Tracklist en mai chuan kan hriat tawh hnu a ni fur hlawm a, mahse 'Mr. Perfectly Fine', 'We Were Happy', 'That’s When', 'Don’t You' leh 'Bye Bye Baby'-te rawh kan la ngaihthlak ngai loh a ni hlawm a, 'That’s When'-ah hian Keith Urban chuan a zaipui a ni.

Swift chuan,"He project-a Keith Urban a tel ve hi chawimawinaah ka ngai a ni. ‘Fearless’ album hunlai khan a opening act ka ni a, a music hian min phurna min pe nasa ṭhin hle a ni," tiin twitter-ah a sawi.

Big Machine label tana a hla record tawh zawng zawng record ṭha lehtu Swift hian ‘Fearless (Taylor’s Version)'-ah hian Colbie Caillat aw pawh a telh leh ngata, a hla nalh tak 'Breathe' kha an record ṭha dun leh a ni.