Dua Lipa-i'n refugee-te a tlawh

British singer Dua Lipa chuan tun hnai khan Leba­non-a refugee-te a tlawh a, United Nations International Children's Emergency Fund (UNICEF) offical-te'n an ṭawiawm bawk.

Dua Lipa hian Terbol, Bekaa Valley a tlawh a, nau­­pangte nen inkawm hlim­na hun an nei. Burj el Barajneh-a Palestinian camp a tlawh bawk a, UNICEF official-te nen hian Lebanese NGO 'Lebanese Organisation for Studies and Training'-te hmalakna an en ho bawk.

'New Rules' singer chuan, "Hun danglam tak a ni a, an kianga hun hman kha nuam ka ti tak zet a ni. An harsatna tawh te hriatthiampui tura a hmunah ngei ka kal thei hi lawmawm ka ti a, an tan theihtawp ka chhuah zel dawn a ni," tiin a sawi. Naupangte nena an thlalak hrang hrang hi Instagram lamah pawh a post nasa hle a ni.

Lebanon-ah hian Syrian refugee maktaduai khat chuang an awm mek a, an zingah hian naupang nuai nga chuang zet an tel a ni. Heng naupangte hian ei leh in tur ṭha bakah, zirna leh health care thlengin an tlachham em em a, UN pawhin theihtawp chhuahin a ṭanpui a ni. Heti chung hian naupangte chan hi a la chhe hle a, UNICEF chuan hma an la ve reng bawk.