Beijing Film Festival-ah Shah Rukh Khan

Bollywood film 'Zero' chu Beijing Film Festival (BIFF)-ah chhuah a ni dawn a, a changtu ber Shah Rukh Khan pawh festival-ah hian a inlan dawn.

Bollywood superstar Shah Rukh Khan hian nimin khan Beijing hi a thleng a, amah ngaisangtu mi tam takin an lo hmuak a ni. China-ah hian 'King Shah Rukh Khan' hian ngaisangtu a ngah hle a, hmuh chakin airport-ah mi tam tak an pungkhawm a, pangpar nen an lo lawm a ni.

BIFF hi April 13 khan ṭan niin, April 20 thleng a awh dawn. Katrina Kaif leh Shah Rukh Khan te channa 'Zero' hi a festival tawpniah chhuah a ni dawn a, film hit tak tak en tur a awm nual dawn a ni.

He film festival-ah hian China-India Film Cooperation Dialogue neih a ni dawn a, ram pahnih aiawhin filmmaker ten inbiakna an nei dawn a ni.