Jojo Jongte hla thar ‘Suangtuahna’

Ṭhazual Award 2020-a performance hmuhnawm tak min hmuhtirtu Jojo Jongte chuan hla thar 'Suangtuahna' a tichhuak a, Zonet leh YouTube lamah pawh a awm thuai dawn.

'Suangtuahna' phuahtu hi tudang ni loin tunlai lengzem artist kan nei ṭhat ber pawl Jt Production-a phuah niin, audio leh video-te pawh a kut chhuak vek a ni a, a produce nghal bawk. Chuvang chuan belchian a dawl hle dawn tih a hriat sa.

Jt Production chuan, "He ka hla ‘Suangtuahna’ hi ka suangtuahna vêk aṭanga chhuak, keimah leh keimah ka inchona leh ka infuihna hla a ni. "Suangtuahna hi ka tan chuan ka ralrelna bû leh ka beiseina eng a ni a, vawi tam ka chak loh fo hnu leh ka beidawn fo tawh hnu pawha hmalam pan zel tura min tichak ṭhintu a ni. He hla lo ngaithla tu tur te zingah pawh keimah ang tho a suangtuahna nei ve tho in nih ka ring a, in suangtuahna ram in panna lamah mi dem rawn, mi hmuhsit leh nuihsawh in tawn ve fo pawh ka ring. 

Hei hi ka hrilh duh che ‘Thangvan khian a hliah chhung che chuan beisei zel la, hawikir suh, i tum ram i thlen hma zawng kal zel rawh,"tiin a hla thar chungchang a sawi a, hla ṭha tak a ni dawn tih a hriat.

He hla hi spotify lamah chuan ngaihthlak theihin a awm reng tawh a, tunkar chhung hian Zonet lamah an tihchhuah hman a rinawm a, karleh lamah MDM YouTube channel lamah dah a ni bawk ang.