Justin Bieber-a'n EP thar a drop thut!

Justin Bieber chuan Easter Sunday khan puanzar lawk loin EP thar Gospel music lamhawi 'Freedom' a tlangzarh.

Kum 27 mi Canadian singer hian a EP tharah hian hla paruk a dah a, streaming platform hrang hrangah ngaihthlak theiha awm nghalin chung hlaahte chuan zaithiam hrang hrang a thawhpui a ni.

'All She Wrote' hlaah chuan Brandon Love leh Chandler Moore-te a thawhpui a, 'Where You Go I Follow'-ah chuan Pink Sweat$, Chandler Moore leh Judah Smith-te thawhpuiin 'Where Do I Fit In'-ah chuan Tori Kelly, Chandler Moore leh Judah Smith-te a thawhpui thung a, 'Afraid To Say'-ah chuan Lauren Walters a thawhpui bawk. A album title hla 'Freedom'-ah pawh BEAM a thawhpui.

Justin Bieber hian a studio album parukna Justice a tlangzarh hnu lawkah a EP pahnihna 'Freedom' hi a tlangzarh a ni. Justice phei chu Billboard 200 chart-ah pakhatna a ni mek nghe nghe.

Freedom tracklisting

1 Freedom

2 All She Wrote

3 We're In This Together

4 Where You Go I Follow

5 Where Do I Fit In

6 Afraid To Say