17th Edufest '19 Vanapa Hall-ah

Ni hnih awh tur 17th Edufest 2019 chu April ni 22 leh 23 hian Vanapa Hall-ah neih a ni dawn a, stream hrang hranga zirna in ṭha ber ber 30 chuangin stall an hawng dawn.

Edufest hi Mizorama education fair rawn pu lut hmasa bertu- Lynchpin leh Zalen te'na an buatsaih a ni. "17th Edufest 2019 a rawn tel tur zirna in te hi UGC/AICTE accredited vek an ni a, anmahnia thawk te ngei an rawn ṭhu dawn a, a duh tan affiliation lehkha te en theihin chhawpchhuah a ni ang a, duh-thalin zawhna nei te pawhin zawh theih a ni ang" tiin organiser lam chuan an sawi.

He hunah hian India ram chhunga zirna in ṭha ber ber - medical, engineering, management, arts, science, commerce leh technical stream dang dang dawr theih an ni dawn a, abroad a zir duh tan pawh kawng a inhawng zau hle dawn a ni. Scholarship leh educational loan hrang hrang apply duh tan pawh stall a awm dawn bawk. Post Graduate zir duh tan pawh University te hian course hran hran an nei bawk a ni.

"Edufest hi patent leh registered thlap a nih avangin hemi hming hian Mizoram chhungah programme huaihawt an awm ṭhin a, kan inhrilhfiah tawh hnu pawha tilui zel an awm a nih chuan dan hmangin hma kan lak a ngai tawh dawn a ni," tiin organiser lam chuan an sawi bawk.

Edufest hi zing dar 11 aṭanga tlai dar 5 inkarah tlawh theih a ni ang. Nitin lucky draw awmin selfie stick, smart phone, pen drive, otg te a tlawhtute tan man theih a ni a, luh man a awm lo bawk ang. Kumin hian nilengin quiz neih a ni dawn a, tlawhtute tan lawmman man tur a awm nual bawk a ni.