Carrie Underwood-in Midangte ṭanpuina atan $100,000 a thawk chhuak

Kar hmasa lawka Gospel album tlangzarhtu, American Idol season 4 winner Carrie Underwood chuan tun Easter Sunday khan Nashville-a Ryman Auditorium aṭangin virtual-in concert a buatsaih a, heta ṭang hian $100,000 lai lalutin heng a sum hmuh chhuahte hi 'Save the Children' tan a pe dawn.

Pathianni khan Carrie Underwood hian Facebook kaltlangin concert hi a nei a, a album thar 'My Savior'-a hla awm zawng zawngte chu a sa vek a ni. He a concert hmingah hian 'My Savior: Live From The Ryman' tih hmangin CeCe Winans, Bear Rinehart (Wilder Woods), Mac McAnally leh Buddy Greene-te pawh he hunah hian an inlan a ni.

A sum hmuhchhuah hi ram rang hrang 100 vela naupangte tana thawktu pawl Save the Children US chu a pe a ni.

Underwood hian March 26 khan a studio album pariatna leh a gospel album hmasa ber 'My Saviour' chu a tlangzarh a, Billboard 200-ah pawh palina a nihpui mek a, streaming service hrang hrangah a album-a a hlate hi vawi maktaduai 5 chuang stream a ni tawh bawk.