Ṭanpui ngaite tan The Weeknd-a'n $ mtd 1 a theh chhuak

Canadian Singer The Weeknd chuan Ethiopia-a harsatna tawk mekte tan $maktaduai 1 a pe tih a puang.

The Weeknd pawisa pek hmang hian Ethiopia-a sorkar leh Tigray region buaina avanga ei leh in tur lama harsatna tawk mi maktaduai hnihte chuan ei tur an neih phah dawn a ni.

Superbowl Half Time Show-a che hit tak The Weeknd chuan social media lamah hemi chungchang hi tarlangin Ethiopia-a tualchhung mi pawisawi lo, kum naupang te aṭanga tar thlenga hlau thlabara awm mekte chanchin a hriat chuan a rilru a tina hle tih a sawi a, mi maktaduai hnihin eitur an neih theihna turin United Nations World Food Program kaltlangin $mtd 1 a pek thu sawiin, midangte pawh an theih ang tawk pe ve turin a sawm zui bawk.

Midang tana luang chhuak fo tawh The Weeknd hian nikum June thla khan hripui leng vanga harsatna tawkte ṭanpuina turin $mtd 1 a lo thawh tawh a, chi inthliarna dotu pawl hnenah $500,000 a pe bawk. Nikum vek, August thlaa Beirut, Lebanon-a thil puak tuartute tan khan $300,000 a pe tawh bawk a ni.