Virthli Festival ṭan a ni ta

Mizoram Univer­sity festival lian leh ngaihhlut 'Virthli' chu nimin khan ṭan a ni ta a, ni nga chhung a awh ang.

Virthli Festival hi zing dar 7:00-ah Ma­rathon Race hmang­in ṭan a ni a, lawm­man pa­khatna dawng­tu Laldinmawia, MA (Education) hnen­ah bicycle (cheng 40,000 man hu) hlan a ni. Mara­thon lawmman pakhatna hi Aizawl Cyc­lery ten an sponsor a ni.

Hemi hnu hian Prof. Dr.Lal­ngurliana Sailo, Dean, Students’ Welfare chuan offi­cial-a festival khuh­hawnna hun a hmang a, intihsiakna hrang hrang neih zui a ni. A ni khatnaah hian - futsal, volleyball, quiz leh debate te neih niin, quiz leh debate bikah lawmman sem nghal a ni. Quiz-ah hian Architecture Depart­ment aiawha inlan Atikul Hasan leh Azhar Uddin te ṭang­kawp chuan lawm­man pa­khatna an la a, debate (Mizo ṭawng) ah V. Lalrem­ruatpuii chu thiam berin, English huanga James T. Sang­ma chu pakhatna a ni.

Students Coun­cil president Vanlal­hriat­puia Sailo chuan Virthli Festival chu zirlai mai ni lo zir­tir­tute pawhin an hlut thu sawiin, state pawn lam pawn tel an chak thu leh ngaihven a hlawh thu a sawi a - nakin zelah chuan Mizoram hmel tilangtu pawimawh tak a nih ngei a rin thu a sawi.

Festival hi vawiin lamah chhun­zawm a ni leh dawn a, Zirtawpni thleng a awh dawn a ni.