Wales-ah Mizoram Synod Choir te che ṭha

Wales-a International Choral Festival 2019 neihah Mizoram Synod Choir te an che ṭha hle a, Open Category-ah pakhatna niin Silver Award an la.

Mizoram Synod Choir te hi Wales rama Kohhran hrang hrangah rawngbawlna neia an zin kual hnuin he intihsiakah hian an tel a, lawmman hlu tak an hlawhchhuak ta a ni. International Choral Festival Wales 2019-ah hian ram pali aṭangin zaipawl thlan bik pasarih an tel a, Category pathum - Young Voices, Open leh Mix category-ah te an intihsiak a ni. Mix Category bik hi kum 19 chin chunglam te tana ruahman niin, Mizoram Synod Choir te hi Open leh Mix category-ah an tel. Open Category bikah hian tiṭha ber niin, Silver Award an hlawhchhuak.

Heng category hrang hranga tiṭha zaipawl panga te hi 'Choir of Choirs' (Overall Champion) nih tumin an inel a, Cordydd, Wales ten lawmman pakhatna lain - Sir Karl Jenkins Trophy leh pawisa fai £2,000.00 an dawng a ni.

Category tina an mark hmuh zat a zirin Gold, Silver leh Bronze Award siam a ni a, Gold Award dawng turin point 90 - 100 hmuh a ngai a ni. Silver Award dawng tur hian point 80 - 90 hmuh a ngai a, point 80 hnuailam hmu chinin Bronze Award an dawng thung.