Alia Bhatt channa 'Kalank' a hit nghal

Tun hnaia Bollywood film chhuak thar 'Kalank' chu a hit nghal rem rem hle a, kumina film chhuak tawh zinga tlangzarh nia sum lalut hnem ber record a siam hial.

Alia Bhatt channa 'Kalank' hi April 17 khan release niin, hemi ni la la hian vaibelchhe 21.6 zet a lalut a ni. Gully Boy leh Kesari te khumin, kumina Bollywood film chhuak tawh zinga tlangzarh nia sum lalut hnem ber dinhmun a luah.

He film-ah hian Alia Bhatt bakah, Varun Dhawan, Aditya Roy Kapur, Sonakshi Sinha, Madhuri Dixit leh Sanjay Dutt te pawh an chang a, a siam nan ringawt pawh hian vaibelchhe 150 vel zet an seng a ni. Shooting neihna atan hian Mumbai-ah khaw ropui tham tak an din a, en manhla tur tak a ni.